An Clár Urraíochta

Ó 2012 i leith, tá cuireadh á thabhairt ag Iascach Intíre Éireann do chlubanna slatiascaireachta agus d’eagraíochtaí turasóireachta cur isteach ar thacaíocht urraíochta d’fhonn a chinntiú go reáchtáiltear go binn imeachtaí agus tionscnaimh éagsúla a bhaineann leis an tslatiascaireacht; d’fhéadfadh tacaíocht de chineál ar bith a bheith i gceist leis sin, cúnamh airgid, tacaíocht foirne nó trealamh ar iasacht, cuir i gcás.

Is iad príomh‑aidhmeanna Chlár Urraíochta Iascach Intíre Éireann go traidisiúnta ná 1) slatiascairí óga agus nua a mhealladh isteach le cur le líon na ndaoine atá páirteach i saol na slatiascaireachta, agus2) an leas is mó a bhaint as iascaigh fhiáine na hÉireann mar ionaid den chéad scoth le haghaidh comórtais inbhuanaithe slatiascaireachta, bídís ar scála measartha nó mór, rud a chuirfidh leis an tairbhe a bhaintear as an turasóireacht inbhuanaithe i réigiúin tuaithe agus a chuirfidh síneadh leis an séasúr turasóireachta. 

Cuireann an Clár Urraíochta ar chumas ár bpáirtithe leasmhara deonacha comórtais slatiascaireachta agus imeachtaí cóitseála a reáchtáil ar na caighdeáin ghairmiúla is airde agus cabhraíonn leo ag an am céanna an t‑ualach airgid a bhaineann lena leithéid d’imeachtaí a sheasamh. Ina theannta sin, cuireann an Clár Urraíochta na daoine siúd a eagraíonn comórtais mhóra ar a suaimhneas go reáchtálfar a n‑imeachtaí de réir na gcaighdeán is airde bithshlándála agus maoirseachta gairmiúla dá bhfuil ann de bharr na tacaíochta a gheobhaidh siad ó fhoireann Iascach Intíre Éireann, i gcás go n‑iarrfar a leithéid. Cuireann sé cúnamh airgeadais ar fáil chomh maith lena chinntiú go n‑éireoidh go hiontach le himeachtaí móra mar sin.